روح عني براحتك يلا كلت روح

روح عني براحتك يلا كلت روح

:
روح عني ابراحتك يل كلت اروح
بس اخذ روحي البقت تشتاكلك
يل عفتني وليلي وحشه وي الجروح
للصبح كاعد واون امناطرك
تحملت لاجلك خطايا شكد ذنوب
وجذب واحد غيري يوم اتحملك
عفت لجلك ناس واحساس وحنين
عفيه كلبي اشلون جان مدللك
فوك ضيم الكلب بس انت الهموم
بكد جبل حمرين هم شايل الك
شكد حجولي اعليك ماهمني الكلام
مثل ليل وانت شمس اتخيلك
ليش باشعارك صرت ضحكه لهذاك
وانت تدري بكل ثمن مابدلك
لابعد ارجوك ماكلك تعال
روح انت براحتك عندك هلك
روح عني براحتك سوي التريد
تريد هم دموع حاضر خدي الك
تريد تنساني وتهد بيت الهواك
كلشي سوي براحتك راجع الك