منتديات الشرقاط
حيـــــــــــــــــاك الله عــــزبـــــــــــزي الزائـــــــــــــــــــر في منتديات الشرقـــــــــــــــــــــــــــاط
سجـــــــــــــــــــــــــــــــــــــــــل في المنتدى لكــــــــــــــــــــــــي نستفـــــــاد من معلوماتـــــــــــك
وكــــــــــــــن عضو نشيط .. منووورر


نرحب بجميع الاعضاء والزوار الكرام
 
الرئيسيةالبوابةبحـثالتسجيلدخول

شاطر | 
 

 أقوى النكت العراقية - اخربوا ضحك

اذهب الى الأسفل 
كاتب الموضوعرسالة
زياد الجبوري
نائب المدير
نائب المدير
avatar

الجنس : ذكر عدد المساهمات : 417
تاريخ التسجيل : 26/09/2011
الموقع : منتديات الشرقاط

مُساهمةموضوع: أقوى النكت العراقية - اخربوا ضحك    الجمعة يناير 27, 2012 4:25 am

Laughing أقوى النكت العراقية - اخربوا ضحك Laughing


ثور گص گرونه گالوله ليش گال : صارت مزعطه.

وحده گالولهه بيتچ مليان تراب.. گالت صوچ رجلي ميسمع غير اغاني قديمة.

واحد ناصريه گل لحرامي علمني البوگ واعلمك النذاله... الحرامي باگ محفظه گدامه گلله شوف شلون ابوگ .. يلله علمني خباثه... الناصريه گام يصيح:

حرامي.... حرامي...

واحد مستعجل طلبوا منه تحليل بول وغائط گاللهم: ماعندي وقت، هاكم هذا لباسي كلشي بيه.

وحده حلمانه واحد يركض وراهه .. گالت له: ليش تركض ورايه؟ گاللهه: آنه أدري؟؟ انتي اللي حلمانه.

سوداني شاف اسد گام يبچي ... گلله مروتك لاتاكلني.. گلله الاسد: بالعكس، اصلا اني ما اكل مشويات.

واحد يشتغل بشركة البيبسي.. شافه مدير الشركه يشرب سفن أب گام طرده.
أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟؟ گال: ماگولن.... بكيفي.
ناصرية صوّر الدفن مال ابوه بالفيديو.. كل شويه يراويه لأمه.أمه همينه عالعناد كلما تشوف الفلم تگوم تتحمر وترگص.
ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.

ناصرية أعمى، تبرعتله مرته بعينهه.. وره العملية گللهه: وفوگاهه عوره؟؟ گام طلگهه.


كردي هارب.. اشتره جواز مال واحد اسمه حسنين وبدل الصوره..بالسيطره سألوه شسمك؟؟ گال: إثنين حسن.
ناصريه يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.
واحد ناصريه أبوه مانطاه عيديه ... كتب عالباب: يعيش الزرقاوي.
واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه.
احول سكر گام يشوف زين.
محشش گلله الطبيب: يوميه تمشي 10 كيلومترات... خابره وره شهرين گلله دكتور آني هسه بعرعر... أرجع لو أطلع گبل؟؟
عجوز شافت جني گالت أعوذ بالله منك ومن شكلك.. گللهه: شلونج هسه انتي عاد؟؟
فد چلب گاطع الشارع عالرايح والراد... گالوله: ولك ليش متصير آدمي؟؟ گال: لعد شلون أصير كلب إبن كلب بعد؟؟
كردي يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي؟
وحده سمعت صوت بالليل گعدت رجلهه گللتله: گوم شوف يمكن حرامي.. گلهه ما تگومين انتي .. يجوز حراميه.
كردي ديزين لحيته دگ التلفون .. كام شخط خده بالموس... گال ليهنا واصل.
دليم اثنين ديلعبون شطرنج... كلما يموت جندي ينصبوله فاتحه 3 أيام.
كردي طلع گول عله فريقه.. كال أقربلي.
قائد التحالف بلعمارة.. المحامده تلث تيام يوكلوه بس دهن حر.. آخر شي طگت روحه گلهم: مذهب الحگه كافي... شنو آني بولبرين؟؟
محشش راكب بهليكوبتر... گال للكابتن: بروح أبوك ماتطفينه المروحه الفوگ.. تراهه بردت شويه.
كردي سمع إنه أهل الفلوجه مسويلهم چم عمليه.. گال: شنو يعني؟؟ صباح اللبنانيه وحدهه مسويه عمليات أكثر منهم.

ابو بريص سكران يگل لصاحبه: والله لوما الشرب والنسوان جان هسة اني باقي تمساح.

محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.

واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. گاللهم: اگلكم..

تره هسه أبطل .. هيه صلاة لو ضربة جزاء؟

مصلاوي مات... لگوا بوصيته مكتوب ( آني غاسل.. لا تغسّلوني ).

تلاثه من الناصريه رادوا يبوگون بنگ، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.

شيخ جامع من الناصريه قرر يسوي محاضره للعميان عنوانهه: نعمة البصر.

سكرا ن ضوّجته ذبانه، كمشها وشلع جناحاتها .... گللهه: دِدگيها مشي يبنت الكلب.

جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.

خروف خانته نعجة، وگف تكسي ... گلله اقرب مطعم باچه... أخره بهيچ حياة .

صرصر گاعد ويشتـّم بأهل تلكيف .. گالوله: ليش گال: ماظل واحد من العشيرة ماشفطوه.

محشش گال للبگال: عندك جگاير كنت؟؟؟ گلله نعم.. گال: آني همينه.

محشش قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.

محشش مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.

كردي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.

طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.

سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.

واحد أفرار من الجيش گطعوله آذاناته، گام يكثر من أكل الجزر.. گالوله: ليش؟؟ گال: إذا ضعف نظري وين أعلگ النظارات؟

بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.

بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي

يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ

وأموت).

حرامي نجح إبنه، گلله: إبني شنو رايك بسيارة الجيران؟

واحد تعارك ويه مرته، گطفهه من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل

ليش ذابيهه؟

الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟

قاضي بالناصرية حكم على أحول يلظم أبر خياط مؤبد.

واحد من المنصور دزه أبوه يشتري طلي، راح جاب واحد كلش ضعيف، گلله أبوه: بابا ليش جبته ضعيف؟ گلله بابا ماعليك بالجسم، شوف العيون!!

مدرس سأل طالب كردي گلله :إبني شتصير من تكبر؟ گلله: شايب .

محشش گال لأبوه: يابه أريد أدرس برّه.. گال له: خللي أمك تفرشلك بالطرمة.



عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.

مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفرموانع.

واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندچ علاقات؟ لا.. گال : معقوله ؟؟ گالت: ملليت من هالشغلات.

أبو معرض سيارات بالبياع..سألوه: منو أفضل المطربين بنظرك؟ گال : مايكل داتسون و مازدا الرومي.

مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف... بالليل گام باگ فلوسهم ، الصبح گاللهم: اللي مضيع

الألف مالته ميتريگ اليوم .

محشش راد يطور الموبايل گآم حط بدال الدگم سحابة.

واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل.

ناصريه شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني.


واحد راح للشيخ يسأله، گلله: شيخنا ..عندي جن بالبيت شسويله؟ گلله حطله عصير ليمون وإندعيلي.

سألوا واحد: شلونك ويه رمضان هالسنه؟ گال: والله لوما الوضوء چان متنه من العطش
سوداني راح يشتري جگاير، گال لأبو المحل: كنت أبيض... گلله أبو المحل: لو تحلفلي بمية يمين هم ماصدگك.

سكير سأل شيخ جامع، گلله: صحيح الصلاة ماتصير إذا الواحد شارب؟ گلله: طبعا.. گلله: شنو رأيك سويتها وصارت؟

أخطبوط يبچي.. گالوله ليش ؟ گال لأن ما أندل إيديّه من رجليّه.

فلسطيني كردي راح لمكة... شاف الناس تشمر حجار... گام جاب تاير وحرگه .

واحد گاعد بالطيارة يم جيمس بوند بس مايعرفه... سأله شسمك ؟ گال له : بوند ... جيمس بوند.. و أنت شسمك ؟ گال له : هيم.....إبراهيم.

كردي رادوا يعدموه بالغاز حطوه بغرفه سگفها مفتوح... كيّف، گال: أييه ما أعتقد راح أختنگ...وره شويه ذبوا عليه من فوگ عشرين قنينة غاز.

توأم شاف أخوه، گلله: وينك يمعود ..؟ مو أهلي طهروني مرتين.

كردي سمع كلمن يموت بساعته.... گام كسرهه.

معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.

فلاح مربّي أرانب بالمزرعه مالته، كل يوم ياكلن 20 كيلو جزر.. آخر شي ضاج گام شلع سنونهن... إجه وره يوم شاف الجزر خلصان.. گاللهم: وين

الجزر؟؟ گالوله: ثويناه عثير وثربناه.

واحد گل لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوگ جنطهن...

كردي صار شيعي... گالوله: لازم تصلي عالتربة.... گال: أللهم صلي عليها وسلم.

شباب من الناصرية أبوهم إشترالهم شبح، طلعوا بسفره ... هوه ومرته بالكوريللا وهُمّه بالشبح... مروا من يمه يغنون: هيه.. هيه.. بابا راكب بالكُوريللا...

وراكبه يمّه الغوريللا.

واحد گعدته أمه لصلاة الجمعه.... گلهه: ما أروح للجامع اليوم .... راح ينقلوهه مباشر.

محشش طلع من السينما... گالوله: شلونه الفلم؟؟ گال: ليش هوه آني لحگت أسلم عالگاعدين حتى أشوف الفلم؟؟

مصلاوي طاح من السطح.. هوه وواگع مر على شباچ المطبخ.. گل لمرته: لتحسبين حسابي عالعشه.

وحده شردت من أهلهه... ركبت تكسي... گاللهه: وين ترحين؟؟ گالتله: آني لأهلي ماگلتلهم.. أگللك إلك؟؟

إيراني تزوج يابانيه..... صار عدهم ولد سموه: آية الله ساسوكي.

مصلاوي بنه بيت... كتب عالباب: (ع) الحسود بيهه (أ) عود.

كردي إجه يدخل للبار، شاف مكتوب: ممنوع الدخول دون 18..... راح جاب 17 واحد وياه .

كردي گالوله: إذا تريد تصارح صاحبتك.. إشمر عليهه وردة... رجع گاللهم: ماتت... نسيت أشيل الورده من المزهرية.

محشش إحترگ بيته... إجوا الأطفاء.. گللهم: بالحرام، ماتطفونهه إلا إتعشّون.

صرصر كاشخ عل آخر... وگف تكسي ... گلله: بلوعة الشيراتون من فضلك.

صرصر إنتحاري... فجر نفسه بمعمل الـ(بف باف).

مصلاوي راح للناصرية... گاموا وين مايشوفوه يمزگون فلوس گدامه.


عتوي مضوج بزازين المنطقه.. جابوله بزون شبعه كتل... گلله شلون گدرتلي وآني أقوه بزون بالدربونه؟؟ گلله لأن آني چنت أسد بالصومال بس من المجاعه

إنگلبت بزون.

واحد من سوگ مريدي... إشتره حليب طلع إكسباير... گام زور التاريخ مالته وشربه.

واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين ها.

الرجوع الى أعلى الصفحة اذهب الى الأسفل
القلب الشجاع
المدير عام
المدير عام
avatar

الجنس : ذكر عدد المساهمات : 425
تاريخ التسجيل : 25/09/2011

مُساهمةموضوع: رد: أقوى النكت العراقية - اخربوا ضحك    الخميس فبراير 16, 2012 11:30 pm



شكرررررررا نكات روعه


الرجوع الى أعلى الصفحة اذهب الى الأسفل
 
أقوى النكت العراقية - اخربوا ضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشرقاط :: منتدى التحشيش والنكات :: قسم النكات والضحك-
انتقل الى: